沙士英雄鍾尚志，噚日最後一次以中文大學醫學院院長身份，出席公開活動，同衞生福利及食物局簽訂合約，臨走前幫中大攞到二千五百萬去做傳染病研究，呢份禮夠晒大。七月二號喺鍾尚志喺中大嘅lastday，佢話幫埋個女搞好啲去外國升學嘅手尾之後，八月二號就會正式啟程去巴布亞新畿內亞行醫。
八方問鍾院長如果沙士重臨香港，會唔會返嚟幫手，鍾院長叫八方唔好咁黑心，話希望呢啲嘢唔會再發生。為咗去當地做嘢，鍾院長已經打好晒防疫針，重話會帶定電筒、帽同繩先至出發。八方喺度祝鍾尚志一路順風。
（圖）鍾尚志八月二號就會啟程去巴布亞新畿內亞。
傳真︰2623-9278
電郵︰