中國外交部駐港特派員楊文昌，模仿肥彭式親民騷，去到小西灣親中嘅中學，同學生「真情對話」，佢話回想當年中學畢業，一心只想做醫生，但因為天生色弱，即係近似色盲，所以大學選唔到醫科，惟有揀第二志願嘅國際政治，一做就做咗三十年外交官。
講到兩岸統一，楊特派員話台灣三二○有一半人投泛藍，即代表有一半人支持統一，希望唔需要用武力統一，以免兩岸損失慘重。
面對記者追問7.1遊行同還政於民口號，楊文昌認為任何情況下都必要有一個政府領導，但就補充，當然最好係人民喜歡嘅好政府啦。咁犯眾憎嘅董班子，係人都知唔合格啦。天生色盲唔緊要，最怕就係連黑白兩色都顛倒，咁就做乜官都死喇。
傳真︰2623-9278
電郵︰