華叔不再在九月參選之列，呢個大概是意料中事，因為華叔做人一向有計劃，有部署，唔係一時一樣嘅人。
八方問華叔，離開立法會後有乜嘢搞，佢話都好唔得閒，「唔驚冇野做」，因為佢重會係支聯會主席、教協監視會主席、葛師校友會主席、葛師校友會屬下三間小學校董會主席、教育團體聯會秘書處主席等等，而且華叔重有個專欄，一個星期要交三篇稿。
不過，將來時間多咗，華叔話佢會睇吓書、練吓字、寫吓文章，詳情立法會七月中休會後自有交代。
華叔七三年起發起為文憑教師爭取薪酬嘅群眾運動，八五年首次選入立法會，轉眼又三十個寒暑，佢老人家形容自己唔算激烈，當然亦唔溫和，總之一句「立場堅定」，唔係好似𠵱家啲後生咁，咩都話可以退一步，退退吓跌落海都唔知。
目前中方訊息混亂，一時一樣，外交部、中聯辦同港辦各說各話，連黃雀行動都攞出嚟講，都係睇清楚情況再說。
傳真︰2623-9278
電郵︰