歌神許冠傑（Sam）昨晚在紅館舉行尾場演唱會，因為八月加場反應熱烈，阿Sam又跟觀眾玩得十分開心，故決定乘勢唱下去，昨日宣布本月三十日起再加開六場，實行在紅館過7.1。
歌神許冠傑昨晚在紅館舉行第一部份演唱會《盈科保險繼續微笑會歌神Live》尾場，有見八月加開十場的門票也迅速售罄，演唱會主辦人丘亞葵昨日宣布，阿Sam將在六月三十至七月五日再加開六場。
五百門票收益捐博愛
丘亞葵昨日表示阿Sam原計劃在十場演唱會告一段落後出埠休息三天，他說：「原本想安排十六同十七日加場，但紅館個期配合唔到，所以咪六月尾先加場，7.1回歸騷都要讓路。阿Sam聽到加場心情好好，佢同班band友話本來諗住玩埋今晚冇得玩，會好唔捨得，但𠵱家有得繼續玩，不過十月就未必會再開，佢到時要開戲。而六月底加場嘅飛，下周一會公開賣，到時阿Sam都會有噱頭嘅。」而昨晚舉行的尾場演唱會，阿Sam捐出五百張門票給博愛醫院。
過往一直固定在紅館舉行的回歸騷，其實去年已沒在紅館舉行，去年的檔期由《左麟右李演唱會Part2》頂上，最後一次在紅館舉行的回歸騷是前年的《龍聲飛揚──萬人青年音樂會》。
紙飛機環節被迫取消
問到阿Sam還會否繼續每場超時演出，丘亞葵說：「今次十場估計要罰八十幾萬，再開騷亦唔會提早開場，因為時間、交通同紅館嘅安排都配合唔到。阿Sam嘅體力好夠，加場都一定應付到，佢話最緊要大家開心。」丘亞葵又承認大前晚阿Sam叫觀眾摺紙飛機掟上台，遭紅館發警告信，所以前晚停止了這個環節。
阿Sam昨晚約六時在紅館場外拜神，祈求演唱會演出順利，他上完香即切燒豬，阿Sam十分貪玩，不時揮動利刀。
「記得一陣去後台買飛」
昨晚的尾場個唱全場爆滿，阿Sam在台上亦急不及待地向觀眾宣布月底加場，他說：「今晚死梗，最後一場唔知點收科，你哋未坐穩我就有好消息宣布，我呢個歡樂家庭唔捨得走，諗住今晚要喊餐飽，但我有好消息宣布，我會加開六場，記得一陣去後台買飛。」他介紹嘉賓鄭中基出場時，又大讚對方是新一代笑匠。
梁詠琪（GiGi）昨晚亦是表演嘉賓之一，她還送上盆栽給阿Sam。GiGi說：「呢棵花開完可以再開，年年都開花，咁你年年都開演唱會。」而阿Sam則重提當年邀請GiGi擔任音樂劇女主角一事，並向她索感謝之吻，GiGi即說：「冇問題。」隨即上前親吻阿Sam的臉頰。阿Sam昨晚又笑言要唱到今早六時才收場。
另一名嘉賓陳小春上台時稱呼阿Sam做契爺，他問：「契爺你做乜搞咁多嘢？」阿Sam即幽默地答：「係呀，契爺𠵱家癲咗。」而周慧敏昨晚亦有出場，更以一身性感打扮示人。
此外，阿Sam前晚在台上說：「我年紀愈來愈大，除咗着衫鍾意黑色，屋企嘅車都係黑色，啲人問我做乜嘢生意，我就話開殯儀館。」
採訪：馮美茵、蔡如育、楊潔雯
攝影：陳志嵐、陳烱威
