陳啟宗噚日在一個商界午餐會上發言，點名批評媽田同陳太製造中港矛盾，重瘋狂質疑媽田，三月時去美國聽證會，同國家安全顧問賴斯閂埋門唔知傾乜，呢個有美國護照嘅黃面孔香港人，可能唔抵得媽田可以見美國高官，指媽田返到香港就輕描淡寫咁講只係閒話家常，如果信呢句話，佢就破咗產十次。
佢話媽田山長水遠去到美國，點解唔可以向香港人交代，佢話媽田一定有叫美國佬做嘢，重打個好粗俗比喻，好似一男一女入房，出來後個女人就喺度喊，係人都估到發生咗乜事。
媽田從記者輾轉聽到陳啟宗呢番話，即時怒上心頭，破口大罵陳啟宗下流賤格，連呢啲說話都講得出口。早前陳啟宗已話老董係「三零特首」，老董唔騷佢，重縱容佢繼續發嗡風，更畀面佢出席《鄧小平》首映禮，唔怪得陳啟宗愈嚟愈放肆，愈講愈低俗，邊個下次撞到佢，記得掉頭走。
傳真︰2623-9278
電郵︰