最近出新書嘅前布政司鍾逸傑噚日出席一個午餐會，介紹佢本新書《石點頭》。
雖然近年鍾逸傑全力支持中國，但佢始終係一個牛津畢業嘅英國人，畢竟唔似某啲轉軚嘅黃面孔人士，講唔出中國政府當年處理六四「絕對正確」，佢噚日話，當年自己係同廣大市民同一陣線，今時今日，對六四事件亦只可以話：「sadanddisappointed（傷心與失望）」。
講開近年遭遇，鍾逸傑仍有少許條氣唔順，話俾人話轉軚已經算好，曾經有次做訪問，未正式開始同個記者好好傾，一開着攝影機，嗰記者就問佢覺唔覺得自己係traitor（叛徒）。呢，𠵱家媽田、司徒華都感同身受喎，鍾叔可謂吾道不孤。
傳真︰2623-9278
電郵︰