「先生走咗幾個月，咁耐都冇消息，我要照顧一對仔女，都冇心情再去搵佢。𠵱家我哋一家三口靠綜援金生活，慳慳哋都夠使。」三十三歲的阿晶說。
月前，正當阿晶懷着幼子之際，丈夫離家出走，遺下腹大便便的她及十歲女兒，至今音信全無，當時阿晶不僅心情壞透，更要獨自面對欠租及三餐不繼的困境，蘋果日報慈善基金早前曾撥款四千五百元予阿晶繳付欠租，免她一家三口流離失所，其後她與女兒獲社會福利署發放綜援金。
「囝囝𠵱家已經兩個月大，有十二磅重，都好健康。至於大女，佢功課就好差，教極都唔識。」阿晶憂心地說。
近日，本報另將善長捐款合共七千七百五十元交給阿晶。她接獲善款後表示謝意。「呢個月囝囝開始有得攞綜援，雖然佢每個月淨係買奶粉都要幾百蚊，不過生活已經有改善，我好多謝咁多位善長，如果冇你哋嘅幫助，我哋都唔知點算。」阿晶感激地說。捐款編號：C1349
暖流熱線
電話：29908688
傳真：23702192
電郵：
網址：