【本報訊】歐洲國家盃熱潮席捲全港，連帶令相關消費行業生意滔滔；有酒吧昨日表示，開賽後生意額較平日高出四、五成；球衣專門店亦不愁寂寞，賽事期間令生意進一步急升三成。歐國盃叫人瘋狂，連動輒數萬元的睇波團也爆滿，有旅行社即日加推最後二十個名額。
位於旺角的紅魔鬼酒吧負責人Eric昨表示，開賽後生意較平日急升達四、五成，「一晚球賽吸引成四百幾人嚟酒吧睇波，生意都做唔切。」
位於北角城巿花園酒店上將吧負責人雷溢強則有點失望說，「我開頭樂觀估計生意增加一倍，暫時埋單計數都係升咗三、四成，希望之後多啲人睇波。」
Neway卡拉OK發言人表示，好波連場，不少顧客到卡拉OK觀看球賽，令生意約增加了兩成，「有啲巿民企喺卡拉OK門口睇波，睇睇吓頂唔住，即刻入嚟霸房睇波。」
成王敗寇亦令各球隊球衣銷售量出現戲劇性變化；Ourteams球衣專門店負責人林先生表示，賽事臨近時，整體球衣銷量較平日有三成增幅，開賽後銷量再攀升兩、三成，日前爆冷勝出的希臘隊，原本銷量平平的球衣即成搶手貨，迄今賣清光，「好似英格蘭球衣原本好好賣，一輸波即刻冇乜人買，相反法國球衣更加熱賣。」
也有巿民連日睇波後心癢難耐，即時花費數萬元參加睇波團；環宇足球董事總經理江國榮表示，自從歐國盃開鑼後，兩日來接獲逾二百名球迷查詢睇波團情況，睇波團爆滿即日加推最後兩團共二十個名額，「一團係連睇準決賽及決賽三場，團費近五萬；一團睇兩場八強，團費近三萬，相信好快會爆埋。」