耗資達50億元人民幣建成的上海國際賽車場開幕後，主辦單位便請來法拉利及瑪莎拉蒂車隊如Enzo、F50、F40、MC12同場Show，及後更有法拉利、瑪莎拉蒂車主的TrackDay活動，我雖然唔可以揸住部法拉利感受呢條最新賽道，但親身經歷過嘅名模Rosemary、車手關兆昌就對條賽道有好高評價！
記者：曾順珍
攝影：楊錦文
第一次正式落賽車場的Rosemary，覺得今次的TrackDay好好玩，因為可把她以前在意大利學過的賽車技術大派用場。
「我18歲就有駕駛執照，揸咗四年車，亦曾經喺意大利學過揸賽車，知道點樣入彎同超車，原本頭先我都可以『爬頭』，但因為有太多車嘅關係，為免危險我都無咁做。」
雖然今次Rosemary的極速都有230km/h，但她完全不覺得危險，因為只要做足安全措施，順着賽道行，守賽道上的規矩，其實賽車是很安全。
「我覺得上海賽車場嘅賽道好好，每個彎位都好刺激，設計一流，我覺得好好玩。」
另一位在香港住了很多年的Mr.Wrinkelmamn揸咗一轉後，認為上海這條賽道對F1賽車手來說是個大挑戰。
「成條賽道設計得好technical，相信對9月份參賽嘅車手嚟講會有一定難度。」
今次Mr.Wrinkelmamn駕着他的1973年DinoGT參加巡遊和TrackDay，他說就是愛它充滿古典味，是以買了十年，他仍然十分鍾愛。除了DinoGT外，他還擁有法拉利的355和360，還自言除法拉利外，他不愛駕駛其他品牌，因為始終認為法拉利在性能上是最好的。
車手關兆昌就認為整條賽道鋪得順滑，彎位亦設計得好技術性，對車手來說是個難度。
「𠵱家條跑道重算好新，可能遲啲有更多賽車跑過後，條路感覺會更好。」
今次法拉利及瑪莎拉蒂Showroom和上海國際賽車場的兩個開幕禮，後者亦有派旗下戰車MC12捧場。這架被譽為瑪莎拉蒂重返國際賽車場的戰車，售價達60萬歐元（約5,624,000港元，不計稅項），今年只生產25部，極為珍貴。
跑車線條簡直型爆燈，用上一台6.0公升V12引擎，最大馬力足有630匹，0-100km/h只需3.8秒！車外殼和車架都以碳纖維製造，車頂還可以整塊拆走變成開篷跑車。此外，內櫳設備豪華，色調沿用藍色為主色，切合瑪莎拉蒂的主題。
MaseratiMC12Profile
引擎： 5998ccV12
馬力： 630ps/7500rpm
扭力： 66.5kgm/5500rpm
傳動： 6前速雙離合器配+/-轉檔
懸掛： （前）雙搖臂
（後）雙搖臂
制動： 四輪碟式
輪胎： （前）245/35R19
（後）345/35R19
尺碼： 5143×2100×1205mm
軸距： 2800mm
車重： 1335kg