日日做到無停手，係時候外遊唞唞；要平平哋玩幾日，又想有度假Feel，泰國當然係首選！好多旅行社都推出一啲泰國自助遊超筍優惠，六月底前出發，最平$888就可以玩足4日兼包酒店住宿及來回機票，返大陸玩隨時都要呢個價錢啦！而且𠵱家香港至潮玩嘅Spa水療按摩，泰國嗰邊開到成行成市，質素高又唔貴，去到冇理由唔玩埋啫！
記者：吳嘉怡
泰國好多人都去過，唔少人都已經相當熟架步，選擇自助遊比跟團Free好多。格盡現時香港旅行社所辦嘅泰國自助遊套票，最平可以做到$888玩4日3夜，重送埋60分鐘古法泰式按摩，唔夠皮嘅話，自費加鐘都只係約$500/90分鐘，都算係抵價享受。
點解呢個Package只需$888咁平？皆因係搭泰國東方航空。唔好以為淨係包酒店住宿同來回機票咁簡單，服務範圍重包括有每日酒店早餐、機場至酒店來回接送，最離譜係兼送60分鐘古法泰式按摩，個半鐘要$500，即係話無端端賺咗$333。
旅行社名稱：實惠旅遊（查詢電話：27700757）
旅行團名稱：曼谷4日3夜酒店套餐
價錢：$888（優惠期至6月30日為止，數量有限）
酒店名稱：D'maPavilionHotel（4星級）
機票及住宿以外的着數：機場至酒店來回接送、每日酒店早餐、60分鐘古法泰式按摩
呢個曼谷?芭堤雅自遊行套餐，包兩日曼谷、兩日芭堤雅4星級酒店住宿，更附送60分鐘泰式按摩，同埋曼谷通天火車一天通行證（價值100泰銖），喺同一日內，無限次乘搭火車，遊覽曼谷的旅遊景點。
旅行社名稱：康泰旅行社（查詢電話：21088111）
旅行團名稱：曼谷?芭堤雅精選4?5天自遊團（可隨意配搭曼谷及芭堤雅的酒店）
價錢：$2,149（4天），$2,499（5天）（優惠期至6月30日為止）
酒店名稱：NovotelSiamSquare（4星級）
機票及住宿以外的着數：每日早餐、60分鐘泰式按摩、曼谷通天火車一天通行證（先到先得）
位於曼谷商業金融中心的主要地帶，火車站距離酒店只有3公里，而地下鐵路就只是在酒店的底層，交通可謂非常發達。至於房間裝飾同埋家具，以傳統中、葡、泰式建築設計，寬敞的大廳空間，還有採用昂貴嘅絲同柚木木材，讓你如踏入皇室殿堂般；另外針對客人唔同需要，分別設有按摩房、瑜伽房，設備齊全不在話下（送60分鐘泰式古法按摩），也讓你享受最私人空間感，簡直係皇帝級享受，爽晒！
旅行社名稱：實惠旅遊（查詢電話：27700757）
旅行團名稱：曼谷4日3晚酒店套餐
價錢：$1,870
酒店名稱：DusitThaniHotel（5星級）
（備註：此優惠至6月30日為止）
機票及住宿以外的着數：每日早餐、機場至酒店來回接送、60分鐘泰式古法按摩
去旅行，當然首選要住得好啦！酒店的選擇就非常重要，唔好以為Package一定無好嘢，今時唔同往日，唔少旅行社搞嘅自助遊Package，酒店係五星級。計起條數，比起自己Book酒店，真係平好多，就連導遊費都慳番唔少啦！
與香港半島酒店同集團嘅曼谷半島酒店，去年同被獲選為世界優秀酒店！每一層嘅房間都可望到湄南河及對面城市的景色，房內裝飾充滿亞洲當代藝術的風情，齋喺酒店休息，已經係最佳享受。房租至少要千幾蚊港紙一晚，呢個Package三千幾住三晚，重包早餐同50分鐘泰式按摩，超值。
旅行社名稱：美麗華旅運（查詢電話：23155154）
旅行團名稱：曼谷半島大酒店，4?5天超級豪華自遊行
價錢：$2,799（四天），$3,299（五天）(價錢以成人佔半房計算)
酒店名稱：ThePeninsulaHotel（5星級）
（備註：此優惠至7月15日為止，附加費：6月18日、19日、30日及7月1日出發每位加$300）
機票及住宿以外的着數：每日酒店自助早餐、50分鐘泰式按摩
自問泰國蒲精，未去過曼谷BanyanTree都真係好打有限，皆因佢係坐落於曼谷最高的大廈，而且51-54樓的BanyanTreeSpa，是現時全亞洲最高的花園溫泉，佢嘅Spa服務種類重非常多樣化，甚麼草藥Treatment、波浪Massage、蘋果磨光服務，選擇多多，玩Spa真係最歎呢度，收費都係70美金（港幣$546）90分鐘。最正係呢個Package會送你60分鐘泰式古法按摩。
旅行社名稱：實惠旅遊（查詢電話：27700757）
旅行團名稱：曼谷4日3夜酒店套餐
價錢：$2,130（優惠期至本年6月30日為止）
酒店名稱：BanyanTree（5星級）
機票及住宿以外的着數：每日早餐、機場至酒店接送、60分鐘泰式古法按摩
坐落於曼谷商業區內的五星級SheratonGrandSukhumvit，除有Spa服務外，更有六間不同風格的餐廳，分別提供拉丁美洲菜、酒吧、意大利餐及傳統泰菜。如果直接同酒店訂房，平均都要250美金一晚（港幣$1,950），𠵱家以二千多元可住三晚，兼可免費享受香薰按摩，抵好多啦！
旅行社名稱：康泰旅行社（查詢電話：21088111）
旅行團名稱：曼谷特色Spa4?5天自遊團
價錢：$2,899（四天），$3,299（五天）(價錢以雙人房佔半房計算)
酒店名稱：SheratonGrandSukhumvit（5星級）
（備註：6月18日至20日，6月29日至30日，每位附加費$100；7月1日至8日，每位附加費$200；7月9日至15日，8月29日至9月30日，每位附加費$350）
機票及住宿以外的着數：每日早餐、機場至酒店接送、1小時香薰按摩連一次酒店往返美容中心接送（價值$671）；另加$300可享3小時香薰按摩、美容療程連一次酒店往返美容中心接送（價值$1,534）
簽證： 持BNO和特區護照者前往泰國，均可免簽證。查詢電話：25216481
滙率： 1港元兌換5.2泰銖