深田恭子套新片《下妻物語》喺日本反應唔錯，而早前喺康城放映嘅時候亦好評如潮，吸引咗世界各地片商注意，𠵱家已經有七個國家買咗套片嘅播映權，包括美國、意大利、西班牙、韓國同內地等等，而捷克、德國同夏威夷等地舉行嘅影展，套片亦有份被邀參展，睇嚟近年事業冇乜突破嘅深田恭子，可以憑《下妻物語》吐氣揚眉。