李克勤是超級英格蘭球迷，對於英格蘭在歐洲盃輸了給法國，相當失望，克勤說：「睇完之後，成晚瞓唔着，同我隔籬嗰個（盧淑儀）你眼望我眼，場波到打和嘅時候已經好㷫，講晒粗口，最後重輸埋，真係欲哭無淚。」
克勤續說：「原本我打算去睇呢場比賽，最後因為要做嘢去唔到，上半場英格蘭入咗一球之後，重諗英國冇幾可贏波，冇去睇真係唔抵，點知下半場就……好彩冇去。我覺得碧咸今次係掉以輕心。」黃貫中為法國球迷，他昨日在電台與克勤相遇時，即搭着對方膊頭說：「節哀順變啦。」
此外，克勤透露早前與譚詠麟（阿倫）到北京開演唱會時，由於阿倫精力充沛，做完騷後還要出外食消夜，坐車回酒店時發生小意外。阿倫坐的車被後來的的士撞倒，幸好並沒有受傷，但其助手撞親。