鄭大班冇得做商台節目，朝早聽完梁文道，惟有搵人食飯打發時間，然後趁有日本腦炎乘機做番多少生意（佢賣滅蚊機好耐，去年沙士都捐過畀隔離營，估唔到最近供不應求），不過仍然好悶，於是夜晚又搵人食飯，但咁嘅時勢，除咗班唔識時務嘅民主派，邊有人敢應約？八方話有飯食一定到，大班就話你唔怕俾人影相乎？原來有狗仔隊跟佢。咁驚唔驚被人抹黑？大班笑話驚到瞓唔着──驚人哋登佢張相做封面唔夠靚！
另外噚日有消息話商台今年7.1會出位叫人去遊行，原來有啲唔正確，商台中人話佢哋只會全日下晝兩點起直播現場情況，舊年維園手機大jam線，商台諗吓可唔可以提供啲類似尋人嘅服務，至於一隻關於《風波裡的茶杯》五月封咪事件嘅光碟，就會送畀友好及客戶。
傳真︰2623-9278
電郵︰