英格蘭臨天光癩尿輸畀法國，香港嘅英格蘭擁躉咁多，相信馬會呢鋪都賺唔少。八方噚日撞到自由黨田少，順便問問田少有冇賭波贏錢？唔知田少係咪買咗英格蘭，佢聽完八方咁問，即刻有啲晦氣咁話：「賭就唔想答你，答咗你你就要我講賭幾多！我睇一半就瞓咗覺。」
白鴿黨前主席媽田（圖）話，咁多場初賽佢淨係會睇呢場，噚日凌晨重特登校鬧鐘起身睇波，但英格蘭真係輸得唔抵，班球員咁有經驗，一定知道俾對手追和後更加要醒定，因為好容易再輸多一球，估唔到回傳嘅謝拉特咁唔爭氣，不過佢好有信心，英格蘭同法國會係喺總決賽再碰頭！
天主教徒嘅媽田唔賭波，不過就贏咗前黨友大舊陳偉業一餐飯。原來大舊同媽田玩，話如果葡葡牙揭幕戰贏波，就要媽田請食飯，輸波佢就請媽田食飯。
傳真︰2623-9278
電郵︰