鍾鎮濤（阿B）昨晚與腹大便便的范姜素貞出席灣仔會展舉行的《我要做Model》首映禮，對於被指在上海攬女，阿B說：「去的士高飲酒跳舞人迫人係咁㗎啦，內文話我上房，我嗰間房有三百幾人，要上就上天台跳樓㗎啦，個記者冇做資料搜集，我戒煙戒咗十幾年。」
對於前妻章小蕙指阿B這宗新聞是她生日最珍貴的禮物，以及她終於可以水落石出一事，阿B說：「係落井下石，幸災樂禍至真，佢係咪想搞到家破人亡？真嘅大肚婆都未出嚟講，叫佢Shutup（收聲）啦。」
至於范姜亦力撐阿B，指是她主動叫阿B出外消遣，她說：「去的士高係咁㗎啦，唔通寫書作曲咩？我重以為佢（章小蕙）大肚㖭，不過，佢有權講，三姑六婆都可以講。」
採訪：魯萍 攝影：陳志嵐