朱永龍經營的娛樂集團前晚開幕，曾跟他因合約鬧不快的張栢芝，雖然人不到，卻與父親鬍鬚勇送上花籃。問到可會再簽栢芝時，朱永龍表示栢芝在內地拍劇，大家各自都有好發展。
喻絲圓娛樂集團有限公司前晚在奧海城舉行開幕典禮，朱永龍表示他是該公司的大股東，到賀的嘉賓包括黃佩霞、彭丹、黃家諾、鄧肇欣和李彩樺等，而曾與他有合約爭拗的張栢芝，則跟父親鬍鬚勇一齊送了花籃恭賀。
朱永龍近日改名朱麒丰，他表示公司會力捧一名芳齡十八歲的女新人郭芯奇，他說：「我哋間公司總投資初步幾千萬，如果我唔係大股東，點樣話事？」問朱永龍除力捧郭芯奇外，可會再簽栢芝時，他說：「佢（指鬍鬚勇）有同我講，栢芝喺內地拍劇，大家各自有咁好發展，都好開心。」問他會否因跟栢芝在合約上有不愉快經歷，現在簽約時加倍小心時，他說：「我已經好小心，大家用心去發展，保障自己，互相保障，合約係平等。」
此外，彭丹被拍得跟中年男子約會，她前晚對此說：「其實我係同嗰個人去傾製衣生意，我哋之後去咗咖啡店簽約。香港係一個自由地方，估唔到返嚟先冇自由。」
有關關之琳（之之）跟馬清偉傳緋聞，黃家諾則說：「好小事啫。」但問到他日前接女友機時為何黑臉，他說：「佢哋（記者）用相機撞我架車，我有少少嬲。馬生份人好好玩，我哋成日一齊食飯同唱K。」對於陳美琪力指當年因之之介入而跟馬清偉婚變，黃家諾說：「呢啲嘢唔會問，人哋講啫。我覺得之之拍劇已經好辛苦，返嚟又要面對你哋。」
採訪：魯萍攝影：何國豪
