薛家燕與湯盈盈昨日在西九龍中心出席無綫收費頻道的宣傳活動，對於由她們主演的電視劇《七號差館》被安排在收費頻道上播映，湯盈盈對此坦言有點失望，因為她未曾看過該劇。
湯盈盈說：「我失望因為我拍完未睇過套戲，我爹哋、媽咪一早喺加拿大睇咗，而我大嫂重話我做得好，惟有等遲啲我返加拿大再租嚟睇，至於公司安排喺收費頻道播映，我覺得因為公司對套戲有信心先會攞嚟播。」
此外，薛家燕兒子昨日起程往青海探訪山區學生，但她在火車站送別兒子時，才發覺兒子的回鄉證過期，薛家燕笑說：「好彩知道深圳有得做落地簽證，我臨急叫個助手陪個仔喺深圳搞手續，再上廣州會合同學轉機去青海，今次真係有啲失策。」
採訪、攝影：馮美茵