【本報訊】「射擊好講究冷靜同心理質素，我𠵱家其實都唔係好知要打出點樣成績，先可以攞到第幾名，但我有信心喺比賽中會發揮到應有水準……」首位代表香港出戰八月雅典奧運氣手槍射擊項目的女「神槍手」盧嘉琪，昨笑談備戰情況，強調會盡力成為射擊界「李麗珊」。
將於下月踏入二十二歲的盧嘉琪，是本港開埠以來第一位獲香港奧委會確認，符合資格代表本港出戰今年八月雅典奧運會氣手槍射擊項目的女「神槍手」。
去年六月加入輔警的嘉琪，日常在香港仔執勤，今年剛畢業於科技大學數學統計系。
盧嘉琪四年前才開始參與氣手槍運動，去年一月已達到女子十米氣手槍奧運項目的參賽標準，她昨日談到自己的心得時說：「玩射擊最緊要夠定，贏唔贏到，心理質素佔咗八、九成。所以比賽一定唔可以急，更加唔可以諗分數。」
盧嘉琪過去曾六次參加國際射擊比賽，其中在○二年的東南亞射擊錦標賽中，取得個人及團體第二名佳績。不過，最令她難忘的，是○一年同樣比賽的經歷。
「嗰年我重讀緊預科，我首次去泰國參加公開賽，點知比賽延期。大會特別批准我一個人先打比賽，當時在場有好多人，其他參賽者都睇住我打比賽。就係壓力太大，所以最後都輸咗。」
經此一役，盧嘉琪學會了比賽時不理會其他對手，「我諗以後有任何比賽，情況都唔會惡劣得過呢次啩？」今日她將啟程到米蘭參加世界賽，稍後到內地青海與國家隊一同集訓，備戰奧運。
在氣手槍的世界裏稱后，嘉琪坦言在輔警的真槍射擊訓練中，自己成績並非最好：「因為真槍個板機有十五磅拉力，氣手槍只有五百克，我右手隻食指以前傷過，打真槍比較吃力。」
不過，她絕對有信心使用真槍：「當然我唔希望做輔警時要開真槍，但如果呢一槍救到人嘅話，我一定有信心開呢一槍。」