因心臟病同高血壓喺上月去世嘅國畫大師楊善深，其中一幅遺作「壽同金石」噚日喺中環普藝公開拍賣，吸引幾十個對國畫有興趣人士到場，一睹爭奪「金石」嘅過程。
呢幅名畫底價四千五，過咗唔夠一分鐘就叫價叫到一萬蚊，全場嘩然，最後由一名神秘男人以萬三蚊投得。
除咗楊大師嘅遺作，另一大師張大千嘅「信札」亦成為收藏家爭奪嘅目標。呢張「信札」係張大千喺五、六十年代寫畀友人劉嘉猷嘅，但內容係乜就冇人知。競投過程好激烈，最後由一個中年男人以二萬一蚊投得，高出底價成十倍有多。
（圖）楊善深遺作「壽同金石」底價四千五百蚊，最後由一名神秘男子以萬三蚊投得。
傳真︰2623-9278
電郵︰