大狀湯家驊向來逍遙自在，因為23條立法同政改問題而涉足政壇，佢喺一個節目中透露，踏上從政之路多得民主女神余若薇唔少，事緣九七年時余若薇任大律師公會主席，做完一屆想交棒畀湯家驊，但湯大狀托手踭，余若薇就捱義氣做多一年，任期屆滿前卻唔去游說湯家驊，而係去搵湯太，兩個女人密斟後決定湯家驊要頂上，連老婆都同余若薇同一陣線，湯家驊終於冇得推，做咗大律師公會主席，之後香港同法律界可謂風雨飄搖，佢亦走上一條自己都諗唔到會行嘅路。
湯大狀又透露多年前曾「秤骨」，睇相佬話佢骨重三両六好墜手，批佢會做高官同遇貴人，不過到某一年紀就轉趨平淡，湯大狀就唔肯透露幾時到轉運年紀。
傳真︰2623-9278
電郵︰