曾自喻「野蠻女友」的任葆琳昨日與洪欣等往半山示範HidyN.G.新裝,何嘉莉則為台下觀眾。任葆琳表示男友從不會禁止她衣着性感,她指女性穿得性感無非想給人多望幾眼,等男友緊張一下。
任葆琳、洪欣及一班模特兒等昨日往半山香港木球會,為時裝品牌HidyN.G.行show,何嘉莉及江欣慈則為台下觀眾。
昨日任葆琳打頭陣演出,洪欣則為壓軸模特兒,任葆琳示範腰間透視的青綠色晚裝,好不性感,show後她表示已貼了乳貼作安全措施,她說:「本來我想戴nudebra嘅,但係都覺得唔係好自然,我唔擔心走光,亦唔介意性感。」
問任葆琳男友會否禁止她性感時,她不脫「野蠻女友」本色說:「𠵱家係文明社會,如果男友唔准我性感嘅,我都唔會揀佢啦。女人着得性感啲都係想人望多兩眼,等男友緊張吓啫,如果冇人望就死啦。」昨日完show後她表示會往遊船河,她說:「我會着比堅尼曬太陽,不過就唔會落水,因為香港𠵱家啲水質太差,同埋驚有鯊魚。」
至於現為英皇任freelance形象指導的何嘉莉,昨日透露除了為新人梁洛施設計形象外,亦會任Boy'Z唱片封套的形象指導,她說:「我嘅夢想係做時裝設計師,𠵱家做形象指導已經係踏出咗一步,我好enjoy。」
採訪:DebbieLum
攝影:ChenWaiOn