【本報訊】「佢突然間衝出嚟，我唔係開得好快，但係都煞唔住㗎車撞倒佢。佢唔死但或者要坐輪椅我都唔想，我個心好唔舒服！」一名女子昨清晨在筲箕灣道太安樓對開交通燈位，疑無遵守燈號衝過馬路時，被一輛小巴撞至重傷性命危殆，小巴司機對意外感到難過。
傷者姓周（二十二歲），住西環觀龍樓一單位。肇事小巴司機姓梁（六十六歲），處於半退休狀態，每逢周六周日作替更司機，行駛灣仔至筲箕灣路線。
昨晨六時許，梁剛開工駕駛第一轉車從灣仔駛往筲箕灣，抵達筲箕灣道時車上剩下兩名乘客。當小巴駛至筲箕灣道五十七號太安樓對開交通燈位時，將一名女子撞倒。
「我見個女仔喺交通燈位旁邊落車，當時見係綠燈喺快線繼續行車，點知個女仔突然喺燈位衝出嚟，我煞唔切車，結果左邊車頭同擋風玻璃撞到佢。」小巴司機梁先生意外後憶述經過時深感無奈，接受酒精測試後證實無飲酒。傷者被撞倒後仍然清醒，面及手腳受傷，送院後傷勢惡化目前情況危殆。她男友事後接獲警方通知，趕至醫院探望，警方正調查意外原因。