《蘋果》同事又得獎喇！噚日第九屆人權新聞獎公布得獎者名單，今年《蘋果》可謂大豐收。港聞組7.1大遊行嘅系列報道「香港人萬歲」得到中文報章新聞組冠軍大獎。同一組別，中國專題組嘅「廣西農民日入八毛錢吊命」、港聞組同事莫劍弦、陳廣慧、羅偉光、徐岱靈嘅「惡法23條撤回」，同埋莫劍弦、何文雯、陳沛敏、蔡元貴嘅「政府毒招打壓示威」亦攞到優異獎。
攝影組方面，曾顯華同劉耀輝分別以「七一遊行示威者」同「6.1遊行：睇到未？」獲新聞攝影優異獎。《蘋果》重攞埋評論和分析組大獎同兩個優異獎，同事們喺報道人權新聞方面嘅努力得到肯定。 李家皓攝
傳真︰2623-9278
電郵︰