利嘉兒、吳日言及Boy'Z成員Steven的家姐張詠恩昨日齊到沙田，出席一護膚品宣傳活動。利嘉兒日前與石修宣傳新劇時，二人表演跳舞，事後石修被指涉嫌對利嘉兒鹹豬手，昨日嘉兒的DJ男友周國豐在電台提到此事，即時播放Twins的歌曲《丟架》。
對此利嘉兒昨日說：「石修係好好先生，我相信佢唔係特登，我同佢合作幾次，佢係要博懵平時都博咗啦，使乜喺台上呀？」利嘉兒又表示曾與男友提及此事，對方未有太大反應，也明白幕前人的處境，她說：「佢鍾意Twins，乘機播佢哋啲歌啫，唔係想搞大件事。」
此外，張詠恩稍後將拍攝無綫劇集《赤沙印記@四葉草.2》，她表示已兩星期沒見過Steven，亦從未見過其緋聞女友傅珮嘉，張詠恩說：「我都唔識佢，我細佬從來唔會帶女朋友畀我見㗎。」
採訪、攝影：王連連