西九龍文娛發展計劃壇嘢搞到政府一頭煙，又畀地產大財團鬧，啲文化機構又意見多多，認真難搞。呢個由煲呔曾主理嘅計劃呢個月十九號截標，佢特別委託早幾日帶團去紐約嘅契媽李麗娟幫手，向負責重建世貿嘅曼哈頓下城區發展公司取經。
呢間公司嘅社區事務華埠區聯絡員廖君明同八方講，以世貿重建嘅經驗為例，當局必須透過市民參與，將民眾意見融滙彈性處理，如果所有人都反對建議，當局就要盡力作出修改。
諗吓諗吓，政府其他施政都應該係咁先啱，但係老董政府有冇咁做，大家心知肚明，曾蔭權委託契媽取經之後，啲意見會唔會聽得入耳，八方就唔係咁睇好。
（圖）廖君明話，政府推行重大重建計劃，一定要諮詢市民。
傳真︰2623-9278
電郵︰