美國NBA籃球明星姚明及歌手黎明，昨日在上海首度相遇，「雙明」不但惺惺相惜傾得十分投契，兩人還為一班智障小朋友大顯身手，前者當然是一展籃球絕技，至於黎明則大顯他的乒乓球好身手，他更大讚姚明細心。
成功打入美國NBA的中國籃球明星姚明，昨日在上海與黎明來個「雙明會」，一同探訪當地的智障小朋友，事緣二○○七年世界特殊奧林匹克運動會將由上海主辦，有關方面特別舉行一連串宣傳活動，今次他們邀請了姚明擔任活動大使，黎明則任嘉賓，「雙明」除了一同探訪智障小朋友外，晚上更會聯同孫楠和庾澄慶等出席上海電視台舉行的「超級明星關愛特殊奧林匹克慈善文藝晚會」。
雖然身高接近六呎的黎明在本地藝人中身形算是高大，但與七呎六吋的姚明相比，當然矮了一大截。黎明笑說：「我連佢膊頭都未到，我要抬高頭蹺起腳先至到佢膊頭，我好耐冇試過抬起頭同人講嘢，搞到我頸梗膊痛。」
黎明續道：「我哋大家有傾有講好投契，估唔到姚明身形咁高大，但原來為人都好細心，好似佢問我喺北京出世，點解講說話冇北京口音，另外，佢睇我同小朋友簽名嗰陣，又問我點解個黎字可以寫到咁簡單。」
姚明昨日一顯籃球絕技，而黎明亦不讓姚明專美，在小朋友面前大展乒乓球身手，兩人與小朋友玩得相當投入。黎明說：「如果自己都生得好似姚明咁高大嘅話，都會選擇打籃球，但我由細到大都鍾意打乒乓波，如果要打得叻就要打全職，不過乒乓波運動員身價始終唔及其他運動員。」此外，黎明昨日下午到上海電視台綵排，記者上前拍照，但他說：「唔好影啦，唔夠瞓呀！」
