李玟（CoCo）前晚出席歐米茄宣傳活動時，自爆選了一隻運動型限量版手表送給外籍男友Bruce，不過CoCo堅稱與對方未算情侶，正待進一步發展。CoCo又否認曾經隆胸，更大方表示可讓記者摸胸證明自己是真材實料。
李玟前晚以歐米茄名人大使身份，到尖沙嘴參觀歐米茄香港旗艦店，她甫到場即試戴各款首飾及鑽表，看到一隻喜愛的手表時，她即場自言自語說：「係咪可以攞返屋企㗎？」
提到早前的隆胸疑雲，CoCo大方表示可以讓女記者看及摸胸部以證清白，她說：「我唔介意人哋咁寫，我身材又唔大，可能樂壇女仔身材都瘦，我有啲肉，比其他人大，先會俾人話隆胸。」CoCo又坦言有問過關於豐胸的資料，有人告訴她生完小孩後隆胸最好，她說：「生完後會下垂，又有地心吸力，邊個唔想大呀？我覺得生完仔可以隆，不過我身邊嘅男仔都話女仔唔使咁大胸，自然就得，而且𠵱家好多bra都可以推上去。」
而CoCo接受訪問時，被問到是否試戴過的表都會送給她？CoCo即望向身旁的歐米茄事務總監，對方表現愕然，隨後才後說：「你鍾意冇所謂。」CoCo即開心地說：「其實我前兩日已經攞咗一批。」
CoCo又坦言選了一隻限量版運動手表送給其外籍男友Bruce，但她說：「佢未係男友，我哋好少時間相處，慢慢嚟啦。」問CoCo可有替對方做心理輔導？她說：「我同佢唔係成日見，會互傳message，順其自然啦。」問到Bruce會否喜歡她所選的手表時，CoCo說：「我好了解佢，一揀就中，佢一定話鍾意。」
採訪：魯萍 攝影：陳烱威
