強積金管理局首領終於由特首發落。話說素有橋王之稱嘅前任行政總監許仕仁喺舊年七月離職之後，董事局周圍搵人頂替呢個位，結果搵咗接近一年，噚日先公布會由去年七月一日已經開始頂替許仕仁署任積金局行政總監、但本身嘅職位係積金局執行董事及營運總監嘅陳唐芷青（圖）。今次陳太坐正，任期由七月一日開始，為期三年。陳太加入積金局之前，喺政府做AO，之後轉咗去醫院管理局，一做又係九年，到二○○○年先加入積金局做執行董事（行政）個位。陳先生呢，就係金管局總裁任志剛頭馬陳德霖。
傳真︰2623-9278
電郵︰