基督教團體「真証傳播」為咗喚起社會對年輕人嘅關心，喺今個禮拜日開始，逢星期日深夜（其實係禮拜一凌晨十二點二十五分）喺無綫電視翡翠台播出八集《使命人生——救救新一代》電視節目。今次節目請嚟好多社會上出名人士，分享佢哋細個時成長嘅經歷。
好似女藝員鄧萃雯咁，原來佢細細個父母離異，由爺爺嫲嫲湊大，所以細個時好反叛。
又好似著名鋼琴家羅乃新嗰妹羅乃萱咁，佢話最記得四歲時「細佬」擺滿月酒，有親戚同佢講：「你爸爸有仔啦，唔錫你啦」，令佢一路成長都係屋企嘅「暴風少女」。佢呼籲父母千祈唔好叫自己仔女做「垃圾」或者「廢柴」，因為會好傷害佢哋自尊咁話。
（圖）女藝員鄧萃雯叫父母、師長多啲關心年輕人，而年輕人都要自愛。
傳真︰2623-9278
電郵︰