楊怡早前拍攝纖體食品廣告時，奉獻了入行以來第一次，就是穿小背心和短裙，展露其二十三吋的小蠻腰，她還不停擺出拗腰動作，事後她笑說：「條腰拗到有啲痛。」
無綫新紮花旦楊怡近日被纖體食品商看中，邀請擔任代言人，日前她往柴灣拍攝電視廣告時，奉獻了入行以來第一次——穿着性感短裙，露出其二十三吋小蠻腰。
楊怡當日身穿藍色小背心和短裙，展露纖腰，還不停擺出拗腰等誘人動作，她說：「今朝到𠵱家成日拗腰，搞到條腰都有啲痠痛。」
楊怡又表示今次的服裝是入行以來最性感，她說：「我入行成五、六年都未試過着條裙短過膝頭，重有呢類型背心我都未着過，真係第一次咋，不過我已經做晒安全措施，着定短褲打底，同埋上身我都黐晒膠紙。起初嚟到要面對全部男工作人員都比較尷尬，總之我一定唔會烏低身啦。」
而楊怡自言服食了纖體食品後，體重減了七至八磅，體態亦較前輕盈。
不過為了令拍攝效果更完美，楊怡除勤敷面膜保持靚樣外，當日一整天僅以一個小麵包充饑，她說：「今朝天未光就嚟拍，我只係食咗個豬仔包，𠵱家惟有飲水囉，好彩我做緊嘢時都唔係好覺肚餓。」
採訪、攝影：馮美茵
