日本偶像歌手松浦亞彌最近幫GameBoy拍咗個新廣告，今個月中就會喺日本出街。喺今次廣告裏面，松浦重會同扮佢扮到出晒位嘅搞笑藝人前田健一齊拍㖭。前田會扮成松浦咁，兩個人一齊打機，認真搞笑。第一次見到前田健嘅真人扮自己時，松浦就話：「佢扮得咁似，每次望見我都嚇咗一跳，不過又好鬼過癮。」