「利弗同鱷魚釗都冇鬼用，都係靠我哋香港人……香港人之光呀！」山貝河村民對於突然失去與他們共同生活了七個多月的鱷魚，村民可說是「悲喜交集」。其中梁太大叫：「終於捉到啦……其實我好憎呢條鱷魚，山貝河本是一處寧靜的地方，自從有鱷魚之後，多咗遊客，好麻煩。」住在山貝河畔的棚屋已數十年的鄧伯，也有同感，他說：「捉咗咪好囉，平日又怕佢爬上岸咬傷人……呢度一向寧靜，以後又可以靜番的啦。」
但作為船家的勝叔就另有看法，他說，他的橫水渡每位收費五元，自從鱷魚吸引大批遊客到來之後，每次租艇尋鱷收費二、三百元，他這七個月多來，他合共賺多了萬多二萬元。
南生圍的成記士多也是受惠者之一，這店雖叫士多，但其實亦是小菜館。老闆表示：「冇咗鱷魚，生意一定冇前以咁好，以後少咗個景點，都唔知點算！」
本報記者