以後機迷又有一個好去處，因為SCEH喺香港設立咗全東南亞首間PS2遊樂場，喺總面積達到1,500呎場館中，總共設立咗9個試玩台，7個示範最新PS2遊戲，而另外2台則讓機迷回味番往年TopTen遊戲，好似剛剛推出嘅《櫻板消防隊》同《機戰MX》就已經可讓機迷隨便試玩，可謂一個PS2專門「機舖」。遊樂場內放置咗唔少PS相關紀念品，如GT之父山內一典親筆簽名嘅PS2主機，亦可睇到以往PS主機及配件等，可以當作一個小型嘅PS博物館參觀。
除咗SCEH嘅遊戲外，展場還劃出地方，設立咗高達展館，當中最吸引都要數一個高達2米嘅StrikeGundam，氣勢非凡，加上其他各類高達模型，多達450件，及輪流播放歷代高達卡通，機戰Fans打完機過去參觀一定過足癮。
記者、攝影：許福合
地點：尖沙嘴海港城海運大廈地面KidX
開放時間：中午12時至晚上9時
入場：免費
