有中國體操王子美譽嘅李寧噚日喺中環出沒，為佢間寶號搞上市見芬佬及傳媒！八方同呢位殿堂級運動員首度碰面，覺得比以往上鏡時有點老態，但雙眼仍然炯炯有神，但略嫌有啲緊張。
李寧同八方講，今次公司可以嚟香港上市當然開心，但都感到有壓力，因在港上市代表公司成功涉足國際資本，也肯定李寧牌係中國著名品牌，肯定中國係一個快速增長嘅市場，亦肯定中國人嘅能力。李寧重話，今次更係將李寧牌推上世界級嘅機會。
咁難得見到曾叱咤一時嘅體育王子，一眾記者當然唔會放過影相嘅機會啦！當訪問一完，各位行家經已急不及待攞出私伙相機同李寧影相，有行家重攞份有李寧消息嘅報紙，請李寧簽名㖭！難得李寧來者不拒，但佢千叮萬囑大家千祈唔好當佢係娛樂名人，因為佢係一個體育人。收到！
（圖）久未露面嘅李寧變咗咁嘅樣。
傳真︰2623-9278
電郵︰