麥浚龍（Juno）和吳日言家裏均有養狗，日前他們應新城節目《聯Fan所私竇》邀請，與DJ愛菩同到尖沙嘴一間狗cafe，與狗同樂，其中吳日言更帶同自己的史納莎狗前往。
吳日言和Juno甫到狗cafe，店內的三隻小狗熱情地歡迎他們。不過家中養了兩狗一貓的Juno，就顯得有點害怕，他說：「其實我有啲驚濕咗嘅狗毛。」不過經一番「熱身」後，Juno就親自餵狗。
二人表示自從加入娛樂圈後，少了時間陪伴寵物，吳日言說：「起身同臨出門口前我都會盡量陪佢玩㗎。」Juno則說：「我慣咗夜瞓，成日都陪佢哋玩，其中一隻狗叫『火爆』係屎怪，成日屙屎，每日屙七、八次㗎！」
採訪、攝影：王連連