古巨基和李彩樺（Rain）早前到廣州擔任剪綵嘉賓，吸引千人圍觀，離開時更引起混亂，基仔欲充當阿Rain的護花使者，但在內地頗受歡迎的他走入人堆，令情況更難控制，連自己也寸步難行，阿Rain更在混亂間被人摸手摸腳。
古巨基和李彩樺日前應Ba叔的邀請到廣州，義務為一個婚紗商場擔任剪綵嘉賓，吸引了近千人圍觀，大會原本已安排百多名保安在場維持秩序，但由於圍觀者太多，故現場封了一條街供圍觀者聚集。
自從基仔的電視劇《還珠格格III天上人間》推出後，其在內地的人氣不斷增加，但亦因為如此，令他當日護花失敗。當日他們剪綵完畢準備離開時，阿Rain首先下台，由於歌迷太熱情，阿Rain差點被人海淹沒，基仔見狀即時下台充當護花使者，但基仔下台後情況更難控制，最後由保安護送二人離開。
問阿Rain有沒有被人博懵？阿Rain說：「好彩都力保不失，混亂間都係俾人摸吓手摸吓腳，重要部位我梗係護住啦。」
至於護花失敗的基仔亦被熱情歌迷打中，基仔笑說：「保護唔到阿Rain都有啲尷尬，估唔到《還珠格格》播咗咁耐，啲人重係咁熱情，我都俾人打咗幾嘢，我都唔知係啲保安定係啲歌迷，下次都係要小心啲。」
