前任一哥曾蔭培噚日起正式履薪，成為上市公司新創建嘅執行董事。新創建亦喺港交所公布內披露聘任曾一哥嘅細節，原來曾一哥服務合約年期三年，年薪為三百萬元，另有董事袍金及酬金，但通常董事酬金係由董事會釐定，每年俱不同。不過，單以三百萬年薪計，同以前一哥年薪比較，升幅達百分之三十八，難怪佢退休後咁快就返工啦！
另外，八方同事喺國泰慶祝下月開辦紐約直航活動中，遇到香港駐美國經濟貿易專員韋玉儀，佢話除咗華盛頓外，其他美國地區嘅商界都只係比較關心香港嘅營商環境穩唔穩定。
反而當地嘅的士司機就成日問住香港回歸後嘅情況，有啲司機重話有親友喺香港做生意，所以特別關心喎。
傳真︰2623-9278
電郵︰