美國搖滾女歌手葛妮洛芙（CourtneyLove），𠵱家有三單官司纏身，已經搞到一身蟻。點知洛杉磯警方噚日又向葛妮發出拘捕令，事緣葛妮今年四月二十五日喺唱片監製前男友JimBarter嘅屋企門外，涉嫌用玻璃樽同金屬電筒掟向一名女士，所以警方要告葛妮用致命武器襲擊他人，但係葛妮嘅發言人噚日接受查詢時就拒絕回應。