唔好以為肯畀高人工嘅老細，就有人讚；八方噚日就有此經歷，主人翁係良心大班、滙豐亞太區主席艾爾敦。艾爾敦噚日喺城大參加一個研討會，俾一個來自菲律賓嘅同學質疑，滙豐喺當地以高薪請人去callcentre（電話服務中心）打工唔啱。
個女同學話，滙豐嘅callcentre，人工幾好，佢有個同學，讀完FoodandNutrition（食物及營養學），唔去醫院打工，反而去callcentre聽電話。佢話，對於個同學，收入多咗都可能幾好，但對菲律賓前途就唔係咁講。
呢個問題，都有啲深度；艾爾敦回應話，佢都知道人工高，會吸引到好多精英去打工，不過呢份工其實唔係咁舒服，所以流失率都幾高，有人喺callcentre做咗兩、三年後，都走番去追求自己嘅理想。所以話市場力量大，但錢亦未必係萬能。
（圖）艾爾敦噚日喺城大參加一個研討會俾學生質疑。
傳真︰2623-9278
電郵︰