潮流興上網，今年慶祝成立三十周年嘅廉政公署，都搞咗個網上電視台，向公眾宣傳反貪污訊息。廉署社區關係處副教育主任彭健夫同八方講，廉政頻道有資訊台同影視台。影視台會播放由一九七五年以嚟嘅廉署劇集，頭炮係由劉松仁演調查員嘅十三集電視劇「靜默的革命」。資訊台就會由廉署職員親身以訪問、短劇形式，為市民介紹廉署點樣處理投訴同灌輸防貪意識。
最近選民登記搞出咁多風波，廉署特別拍咗個有關選舉問題嘅訪問放喺資訊台度，等有興趣嘅市民可以上網瀏覽。呢個電視頻道嘅節目內容全部由ICAC職員負責，唔少廉政先鋒都會粉墨登場，喺公仔箱上演一幕幕真人版廉政行動。網址係
（圖）廉政公署副總教育主任彭健夫（後排左）及三名廉署人員會粉墨登場拍攝電視節目喺網上播放。
李家皓攝
傳真︰2623-9278
電郵︰