潮鞋孖寶重未死得DunkLoPro、AFI繼續發功

Medicom可說是近年冒升得最快的一個玩具品牌，無他，只因它質量好之餘，更最懂在潮流界製造話題，合作分子包括Futura、Kaws、Nigo、Pepsi、藤原浩等，神枱如Nike亦出現過。而當然，愛製作話題又豈止Medicom，Nike亦是老行家，今個夏天，Nike特別為Medicom推出了最強的DunkLoProSB，讓玩具×波鞋，潮流界起風雲！
文：樹文
攝影：周旭文

Medicom×NikeDunkLoProSB未定價（a）
Medicom要推出史上第一對波鞋，又點會同二流波鞋品牌合作呢，再加上Medicom又曾經同Nike有過一手（出過NikeBe@rbrick），順理成章情況之下，合作就由呢位波鞋界大阿哥一手包辦。講番對鞋，話晒都係兩大潮流巨頭初次推出，自然要找來全城最熱的DunkLo作款式，重要係加強版ProSB先夠照。不過，可能兩大巨頭首次合作會比較保守，鞋身設計有點普通了事，只係用上白×橙×藍的紐約色調，再在鞋踭位繡上MedicomLogo就完事，雖然另在鞋墊上都有個MedicomLogo細節，不過略嫌太簡單。不過講到尾，兩大名字合作，就算炒到天文數字相信都有大把人搶！

■鞋踭位有Medicom官方Logo刺繡圖案。

■鞋墊同樣有Medicom字樣Logo。

DunkLoProSBPremium也優質（DestressedDunk）未定價（a）
除上面對世紀Crossover出現坊間外，其實重有不少新作推出，好似眼前這對DunkLoProSBPremium就係好例子。而此新款Premium最優勝之處，乃鞋上所用的新開發皮革，不似從前的Premium般用上光得發亮的皮料，而是用經打磨的羊皮，手感更軟熟、舒適之餘，又不太過招搖過市，比較低調又討好，筆者亦喜愛。

■鞋身配有SB鞋墊，夠潮亦更舒適。

■物料由光身皮換上磨砂羊皮，感覺更舒適討好。

特種部隊版AirForceI$1,499（a）
講真，眼前這對AFI第一眼望落去，會以為是一對軍Boots多過波鞋，可能設計師就係想咁，事關此乃S.W.A.T.別注。特種部隊喎，又點可以唔似軍Boots？當中細節如全黑皮革、搭帶上的金屬扣等等，無一不表明是玩軍事嘢，而且鞋頭更用上金屬包頭，硬到無人有，貫徹得來有點歇斯底里。

NikeDeltaForce多明尼加別注$1,499（a）
DunkLowPro、AFI始終係強弩之末，04年可能要靠新款式。呢一對以國家為題的別注版波鞋，雖然就不是甚麼新鮮事，但一樣有捧場客，而今次的新組合，就是用上Nike近日強力推介的DeltaForce，可能又是新一代的炒作分子都未定。

■搭帶上以金屬換上一向的膠扣設計。

■鞋踭位有S.W.A.T.壓字圖案。

一周波鞋情報
ProKeds×Artist別注出籠抵玩！
市場愛玩把戲的，並不一定是「剔牌」專利，其他廠牌優質製作一樣大有鞋在，而且隨時感覺更有誠意，像近期ProKeds推出與一眾Artist的特別版就是好例子，簡單的鞋身設計就好像畫報般，經Artist們在之上一點一畫，不但加強設計味，更感覺是真迹般具收藏價值，而且價錢更是數百有交易，比一般炒作分子，是各大學生潮民的入手好對象。

■ProKeds×Falle$399（b）

■ProKeds×HKGDivision$399（b）

■ProKeds×DewickHodgston$399（b）

■ProKeds×Bast$399（b）

售賣點：
（a）B23B（23668386）尖沙嘴彌敦道36-44號UpDateMall地庫60號

（b）Phase02（23692712）尖沙嘴麼地道20號1樓

■ProKeds×AndrewKuo$399（b）

■ProKeds×NYCLase$399（b）

■ProKeds×Jakuan360$399（b）