噚日睇電視，播奧運聖火喺北京運送嘅消息，共有一百四十八名火炬手參與傳送聖火活動，而且電視台重訪問咗兩名有份傳送火炬嘅香港人，可能大家對佢哋印象唔深，但八方認得其中一位係電訊盈科個人客戶營銷總裁陳紀新，負責管理零售店舖業務；另一個就係華潤萬眾電話董事總經理梁啟雄。
大家可能會問點解唔搵香港奧運代表，而要搵呢兩個人做火炬手，八方打聽得知，原來係同南韓三星集團有關。
三星係今次雅典奧運會火炬接力嘅兩家合作夥伴之一，可以推薦三十位代表參與傳送火炬。佢哋在港嘅子公司、三星香港就推薦呢兩個商業夥伴參加今次活動。兩位火炬手都話能夠成為代表，覺得好有意義。不過，八方覺得要由南韓公司邀請出席，有點……
傳真︰2623-9278
電郵︰