精明消費：
餐桌上加鹽加醋調味器皿鬼火咁靚
人人飲食口味不同，如果家中住有3人以上，單是要鹹要淡、油多或油少已經相當頭痕。最好的解決方法便是自行調味，放一套調味器皿在餐桌上，家庭成員就可以因應自己的口味加鹽加醋喇！要出得廳堂，調味器皿當然都要有討好外形，以下介紹的款式，絕對不會令你失望。
記者：羅惠芬
攝影：黃子偉
ImageGirl：Siuling（StarAsia）
組合型套裝美觀歸一
選購調味器皿時，與其自己逐件配搭，倒不如一次過買一套回家，夠歸一又美觀。今時今日的調味器皿，除了講求外表，有些更玩高科技，實行幫你調校好份量，夠晒Hi-Tech！
Hi-Tech之選：12格氹氹轉幫你調校份量
KitchenArt出品的調味器皿，單睇外形已經夠晒高科技，好睇好用重可以氹氹轉。最大特點是格數夠多，足足有成12格，可以分別盛載12款調味料，而且每個調味瓶均可調校倒出的份量，分別有半茶匙、3茶匙及4茶匙，夠晒特別。
售價：$450(d)
得意試管
記得中學上物理課時，最興奮就係拎住支試管左溝右溝。要重溫學生時代的滋味，這套有6支試管型的調味器就最啱，其化學報告就係：食物嘅味道會更加好！
售價：$108(c)
經濟好用：二合一設計
chef'n出品，將鹽樽和胡椒樽合二為一，採用釘書機式按鈕，鹽和胡椒分別由兩個口倒出，重可以順便練練臂力㖭！
售價：$90(e)
名牌有保證
擁有八十多年歷史的意大利品牌Guzzini，選用高品質的安全封膠做材料，符合CE家電安全性能檢驗標準，安全有保證。盤底更有轉盤，旋轉式設計極之方便。
售價：$680(e)
磁石小擺設
一套兩隻外星人仔，裝鹽和胡椒夠晒Cute，腳底重有埋磁石。除平放外，也可黏住條天線，當成靚靚搞鬼的裝飾擺設。
售價：$370(b)
動物設計裝埋牙籤
這款以羊咩咩為主角的調味器皿套裝，兩隻小綿羊站在綠色的草地上，顏色鮮豔，可惜容量較小。附設牙籤筒一個，另外還有豬豬款選擇。
售價：$80(b)
名師設計椒鹽樽至矜貴
別以為調味料便宜，用來盛載的器皿就可以馬虎了事。現代人均注重生活細節，細微至放在枱面的一件調味器皿，都可以大玩設計，創新至軟管形的調味器，又或是靚靚天使黑椒樽，都經由名師精心計算過。
搞鬼傑作：軟管設計有創意
英國家具品牌j-me出名夠創意，這款軟管式設計的調味器皿，肯定攞滿分！軟管可隨意扭出不同花式，一端開口位可隨意擰，兩個孔一大一細，無論倒粗鹽或幼鹽都無問題，一套有兩條，售價唔算太貴。
售價：$220(a)
示愛必殺技
雞蛋形調味套裝，最盞鬼係佢哋一雙含情脈脈的眼睛，假如心儀對象鍾意煮食，用嚟示愛就夠晒體貼和有創意啦！
售價：$235(b)
簡約之選
白色本來平平無奇，不過這套由泰國製造的椒鹽瓶，設計成水管一樣，不論分開擺放又或二合一都咁特別。
售價：$60(b)
■要補充調味料時，可擰去另一端的蓋，用附送的漏斗補充即可。
大頭仔襯家具最掂
Alessi出品，以大頭人仔為外形的調味器皿，有綠、藍、黃和粉紅4種顏色任你揀，重附送同色匙羹一隻，襯家具最啱。
售價：$230(b)
黑椒小天使
同樣是意大利品牌Alessi出品，以天使作為黑胡椒瓶的外形，金屬設計夠晒重手，全靠個冬菇頭出力將胡椒磨成碎。
售價：$645(e)
油醋器皿容量要大
相比起盛載糖鹽等的調味樽，盛載液體如油、醋等的器皿，容量要較大。瓶口會有特別設計，例如斜形樽口、噴嘴等，方便使用。
長耳兔仔
廚具品牌chef'n的兔仔頭鹽樽，開關器原來喺兩隻耳仔上。只要㩒佢兩隻耳仔，鹽就會由佢個口跌出嚟。除咗可愛的桃紅色，重有綠同白色兩款任擇。
售價：$133(e)
抵買推介：買樽送埋香草
這個香草瓶的原理跟胡椒瓶差不多，只要轉動瓶蓋上的十字架，就可以把香草磨碎。不過，最吸引還是買樽送埋香草，附送的香草包括迷迭香、百里香等，計番條數真係幾抵。
售價：$80(a)
實用好玩：隨身貼企鵝當玩具
北極企鵝嚟咗喇！肥嘟嘟的企鵝豉油樽，唔止外形夠Cute，更附送4對眼仔和一對翅膀，畀你自己貼，有得用又有得玩！
售價：$25(c)
容量夠大
望落似足玩具的大頭仔，外形Cutie，容量夠大，開口位也非常大，放在餐桌上非常搶眼。
售價：$190(e)
售賣點
(a)city'super25062888
(b)ColourLiving22956881
(c)FrancFranc34273366
(d)G.O.D28905555
(e)崇光百貨28338338
慳家必備
盛載橄欖油的樽，瓶口位採用斜嘴設計，倒橄欖油時可以容易控制份量，不怕倒多了會浪費。
售價：$80(d)
二合一夠方便
吃西餐，枱面必備橄欖油和黑醋。美國品牌Norpro設計的二合一調味樽，中間葡萄形部份可盛黑醋，外圍則專放橄欖油，論賣相都幾吸引㗎！
售價：$195(a)