立法會噚日辯論呼籲市民7.1上街。獨立議員黃宏發自爆，原來佢咁大個仔，一次遊行上街都未試過，八九六四未去過，舊年7.1亦冇去遊行。聽到發叔咁講，遊行搞手之一嘅李卓人（圖）嚇咗一跳，佢勸發叔記住喺今年7.1，為ICQ認識嘅朋友阿雪同阿文獻出佢嘅第一次，參加遊行！
唔講唔知，原來對於發叔嚟講，上街係一件好重大嘅事，亦唔係佢嘅風格，雖然佢唔反對和平示威。不過喺網上聊天室同市民交談後，向佢哋解釋強權唔可以取代真理後，佢覺得有需要再考慮今次係咪要變成事實，早前講過，發叔嘅仔女會由美飛返嚟，參加遊行，八方唔排除佢受到仔女影響。
既然有機會公開講嘢，阿人趁機勸市民，如果唔想畀「保皇黨」扭曲意願，一定記得7.1要出現，因為你唔去遊行，「保皇黨」就會話，冇上街啲市民都反對普選！
傳真︰2623-9278
電郵︰