九龍華仁今年慶祝創校八十周年，為咗配合華仁舊生會十一月喺香港舉行嘅國際會議，校方同舊生會計劃出版一本紀念書刊，重點介紹八十位對母校及社會有重大貢獻嘅神父、老師同埋校友。
咁一講九華威水校友，梗係唔止八十人，喺政界佢哋有李柱銘、涂謹申、劉漢銓；法律界有人氣急升嘅梁家傑、梁定邦以及何沛謙；商界有李業廣、陳祖澤、袁天凡、吳天海同邢李火原；喺醫學界有著名心臟醫生謝德富；學術界有王于漸，九華都有出演藝界人才，就係曾江。
負責出版嘅周致聰同八方講，最後名單𠵱家仍然由五人委員會評審緊，月底就會有定案，咁又係，八十年嚟呢間由耶穌會管理嘅學校人才輩出，真係唔易選。
傳真︰2623-9278
電郵︰