譚詠麟（阿倫）、余文樂和李克勤昨日以義工身份出席活動。對於成龍日前表示吳綺莉設局生「小龍女」，阿倫表示很了解成龍感到不服氣的心情。
譚詠麟、李克勤和余文樂昨日以榮譽義工大使身份，在彩雲邨一學校出席活動，與近二百名不同年齡的義工在操場上砌出心形圖案，又與八十多名中度智障學生玩遊戲。
對於成龍日前表示「小龍女」的出生，是吳綺莉所設的局，阿倫說：「我都好了解佢嘅心情，咁樣條氣係會唔順，我有睇報紙，佢唔甘心，呢個係佢先最清楚，如果俾人設計真係唔甘心。」問阿倫可曾試過被人設局陷害？他即大耍太極說：「等我消化吓先，因為胃液倒流答唔到。」
阿倫雖然身為樂壇前輩，但卻十分搗蛋，昨日他大爆余文樂愛追女仔，他說：「呢個後生仔要褒獎佢，佢除咗追女仔好熱烈之外，重有一顆熱熾嘅心去熱心公益。」阿樂連忙反擊說：「你係咪同公司㗎？愈講愈錯，走啦！」
之後當記者問阿樂是否有顆熱熾追求女仔的心？他即發𤷪𤺧大鬧正接受電視台訪問的阿倫說：「最衰係你譚詠麟，我俾人圍攻呀！」阿倫尷尬地說：「我做緊訪問㗎，死仔！」
此外，成龍和莫文蔚前日在美國夏威夷，出席新片《80日環遊世界》的宣傳活動，成龍做了不少鬼馬動作逗觀眾開心。成龍此行同時亦為其餐廳「成龍廚房」在當地開設的首間美國分店揭幕。
採訪：馮美茵
攝影：陳偉權