早陣子，在各大車展中曾率先曝光的意大利愛快AlfaGT跑車，一身富拉丁情懷的跑車外形，早已教不少愛快Fans為之動容。繼歐洲左軚版登場熱賣之後，筆者聞得本港代理，亦快將於今年7月中旬，正式引入呢部咁火辣辣嘅拉丁跑車新貴，兼且經已開始接受預訂㖭！
除入門版2.0JTS（馬力165匹）配搭上5前速Selespeed半自動波箱，定價$378,000外，還有頂級版3.2V6（馬力250匹）型號，匹配上一套6前速CloseRatio手動波箱組合，輸出夠晒澎湃又見加速狠勁，車價亦不過$448,000。若然有興趣擁有一輛個性獨特又出眾的AlfaGT跑車，不妨去陳列室打聽！據知首批新車到港數量有限，有買趁快！
記者：陳偉林