唐英年率領嘅東北富貴團離開大連，噚日到咗瀋陽。百二人會留在瀋陽兩日。由於當地天氣都幾熱，所以廖暉建議大家隨便啲，重帶頭着機恤Polo，咁唐唐當然亦除咗件西裝掹走條呔，其他人一二三換晒便裝，dresscode好緊要啫。反而當地官員就執到正，所以一睇就知邊個係主邊個係客。
前幾日八方寫過葉澍堃同曾俊華會分別由埃及同智利飛去東北會師。點知搞錯咗，葉局長係由希臘飛去至真，禮拜四會到長春會合大隊；講起去希臘，葉局長受到總理禮待，好有面。
至於曾局長行程亦有變，佢會留喺智利休假，而東北團之重任，交晒畀俞宗怡。
傳真︰2623-9278
電郵︰