黃毓民被人嚇到唔知去咗邊，最頭痛嘅除咗商台，重有記協。事關一年一度嘅記協Ball今個禮拜五舉行，往年都係靠毓民在晚會打心口，幫記協籌款。今次佢忽然失蹤，要搵人替佢夥拍毛孟靜做主持唔係咁易。不過，八方收到風，話記協已經搵到打心口人選，就係識得無數有錢佬嘅陳永陸，以陸叔嘅號召力，可能更財源廣進。
另外，記協本來請咗唐英年做嘉賓，但唐唐帶富豪團去咗東北，當然由署任嘅馬時亨代替啦。馬局長同八方講，佢嗰晚本來應承咗海關出席海關活動，但記協請到又唔好意思推，惟有趕兩場，先去記協再去海關。所以，陸叔如果要打局長心口，就要早啲，否則佢閃咗就蘇州過後啦。
傳真︰2623-9278
電郵︰