自己做：
被鋪變梳化醒目收納好慳家

別以為狹小的家居就一定係凌亂不堪，原來日常生活中不少家庭用品，只要轉個新角度去諗諗，一樣可以以不同姿態示人。唔明？閣下可否估到梳化的心臟結構，竟是由床單被鋪組成的呢？！普通一張餐椅，底部其實又可化身成一個袖珍雜物房……總之，只要懂得醒目收納之道，善用空間，家居實用面積分分鐘多幾倍！

記者：何善華　
攝影：伍慶泉

醒目秘方一
阻碇被鋪叠埋做梳化
冬天的棉胎、羽絨、毛氈等被鋪，大件又阻碇。家陣熱到飛起，此等暖笠笠東西相信一早已被打進冷宮！但奈何家居地方有限，「死質難質」幾乎迫爆櫃頂！精明之道是可將這類大件床單被鋪，整齊摺叠好後，用一幅大布包裹好，便成了舒適的梳化。省下了收納地方外，連買梳化的錢也一併省下來，夠晒慳家。為免到冬季來臨時家中反變沒有了梳化，建議用較舊但又未捨得掉；或較少會用到的被鋪來做。再加埋咕𠱸等擺設，這布藝梳化的真身，相信無人會看得出來呢！

材料：
大床單、床被、枕頭等

步驟

醒目秘方二
窗簾信袋二合一
時下家居，多有一扇對着渠位、景觀認真麻麻的窗戶。而這扇窗的窗簾多數會長期垂下。既然如此，何不繼續利用家居資源，增加收納空間？只需在較少拉開的窗簾上自設間隔，便可變成另類插信袋，甚至是掛滿明信片，裝飾性強兼夠慳位。

材料：
棉布2塊、透明膠片1塊

步驟

醒目秘方三
萬用椅子藏雜物
餐桌上擺滿了報紙及零碎雜物，難看極了！滿以為狹小的家居已沒有多餘空間放置雜物，原來一個隱藏已久的小型雜物房卻「近在眼前」──餐椅或餐桌底部。只要略施小技，加個筲箕、綁條繩，便能置入不少物件，不但整齊又省地方，收在椅底唔多覺眼令居室望落更整齊。

小秘技
1.　若床單與枕頭於堆砌時未能叠平，梳化會容易倒塌！故堆砌時最好首先將較為大件的棉胎被鋪放在最底，鞏固「地基」。

2.　萬用餐椅的小型雜物筲箕所承受的重量有限，使用時務必注意承托力，宜放細件雜物。